#sessiya #poytaxtdeputatlari #deputatlik_faoliyati

❗️Xalq deputatlari Yangihayot tumani Kengashining 33-sessiyasi bo‘lib o‘tdi

🏛 Xalq deputatlari Yangihayot tumani Kengashining ikkinchi chaqiriq 33-sessiyasi bo‘lib o‘tdi. Unda Xalq deputatlari Toshkent shahar Kengashi deputati Suhrob Saifnazarov ham faol ishtirok etib, kun tartibiga kiritilgan dolzarb masalalar yuzasidan muhokamalarda qatnashdi.

📝 Sessiyada Yangihayot tumanini 2026-yilda kompleks ijtimoiy-iqtisodiy rivojlantirish dasturi ijrosi, shuningdek, hududda favqulodda vaziyatlarning oldini olish borasida amalga oshirilgan ishlar yuzasidan tuman hokimining birinchi o‘rinbosari hamda tuman Favqulodda vaziyatlar bo‘limi boshlig‘ining hisobotlari tinglandi.

🔺 Shuningdek, tuman Sanitariya-epidemiologik osoyishtalik va jamoat salomatligi xizmati bo‘limi, Ekologiya va iqlim o‘zgarishi bo‘limi hamda tuman tibbiyot birlashmasi tomonidan amalga oshirilgan ishlar muhokama qilinib, mas’ul rahbarlarning hisobotlari eshitildi. Deputatlar aholi salomatligini muhofaza qilish, sanitariya osoyishtaligini ta’minlash, ekologik holatni yaxshilash va mavjud masalalarni tizimli hal etish yuzasidan o‘z fikr va takliflarini bildirdilar.

💰 Sessiya kun tartibida tuman mahalliy budjetining 2026-yil ikkinchi choragidagi daromadlari va xarajatlari ijrosi, jamoatchilik fikri asosida shakllantirilgan loyihalarni moliyalashtirishga yo‘naltirilgan mablag‘larning sarflanishi hamda mahalliy budjetning qo‘shimcha manbalari hisobidan mablag‘larni tegishli xarajatlarga yo‘naltirish masalalari ham atroflicha ko‘rib chiqildi.

💬 Xalq deputatlari Toshkent shahar Kengashi deputati Suhrob Saifnazarov sessiya davomida muhokama etilgan masalalar yuzasidan o‘z fikr va takliflarini bildirib, hududni kompleks rivojlantirish, aholi uchun munosib sharoitlarni yaratish hamda belgilangan vazifalarning samarali ijrosini ta’minlash masalalariga e’tibor qaratdi.

✅ Sessiya yakunida kun tartibidagi masalalar yuzasidan tegishli qarorlar qabul qilinib, ularning ijrosini ta’minlash bo‘yicha mas’ullarga tegishli vazifalar belgilandi.

📱 Telegram 📱 Instagram 📱 Facebook 📱 YouTube 🔎 E-kengash