O‘zbekiston Respublikasi Prezidentining 2023-yil 21-dekabrdagi “Mahalla institutining jamiyatdagi rolini tubdan oshirish va uning aholi muammolarini hal etishda birinchi bo‘g‘in sifatida ishlashini ta’minlashga qaratilgan chora-tadbirlar to‘g‘risida”gi PF–209-son Farmoni ijrosi yuzasidan deputatlik nazorati tadbiri o‘tkazildi.Xalq deputatlari Parkent tumani Kengashi deputati, doimiy komissiya raisi To‘ychiyev Naimjon Yusupovich tomonidan o‘zi saylangan okrug hududidagi “Samasarak” mahalla fuqarolar yig‘inida mahalla raisi faoliyati hamda “Mahalla yettiligi” tomonidan amalga oshirilayotgan ishlar o‘rganildi.Nazorat tadbiri davomida mahalla raisi S.Niyozaliyev bilan suhbat o‘tkazilib, Farmonda belgilangan vazifalarning ijrosi, mahalla obodligini ta’minlash, “Obod mahalla”, “Obod ko‘cha” va “Obod xonadon” mezonlarini amaliyotga joriy etish, fuqarolarning ijtimoiy faolligini oshirish hamda “Yashil makon” umummilliy loyihasi doirasida amalga oshirilayotgan ishlar muhokama qilindi.Shuningdek, deputat tomonidan mahallada “Mahalla yettiligi” faoliyatining tashkil etilishi, ehtiyojmand oilalarni qo‘llab-quvvatlash, aholining bandligini ta’minlash, fuqarolar murojaatlarini ko‘rib chiqish va ularning ijrosini ta’minlash holati yuzasidan mas’ullardan ma’lumotlar olindi.O‘rganish yakunida mahalla raisi va “Mahalla yettiligi” faoliyati samaradorligini yanada oshirish, aholi murojaatlari bilan ishlashni kuchaytirish, ehtiyojmand oilalarni qo‘llab-quvvatlash hamda mahallada obodonlashtirish ishlarini tizimli davom ettirish yuzasidan tegishli tavsiya va takliflar bildirildi.