📍 Qo‘shko‘pir tumanida gaz jihozlariga texnik xizmat ko‘rsatish, xizmat haqi undirilishi va to‘lov amalga oshirilmagan taqdirda gaz ta’minotini to‘xtatish masalalari deputatlik nazoratiga olindi. 

So‘nggi kunlarda Mehnatobod va Ilgaldi mahallalarida yashovchi fuqarolardan
Xalq deputatlari Qo‘shko‘pir tuman Kengashiga murojaatlar kelib tushdi. 

Fuqarolarni tashvishga solayotgan asosiy savol quyidagicha: 

❗️ “Xonadonimizdagi gaz jihozlari texnik ko‘rikdan o‘tkazilgani uchun to‘lov qilishimiz shartmi? Agar
to‘lovni amalga oshirmasak, 2–3 kun ichida gazimiz tarmoqdan uziladimi?” 

Aholining murojaatlarida “ENERGO DIGIT” MChJ xodimlari tomonidan xonadonlardagi gaz jihozlari ko‘zdan
kechirilayotgani, texnik va servis xizmatlari ko‘rsatilayotgani hamda buning uchun to‘lov undirilayotgani qayd etilgan. Ayrim hollarda esa to‘lov amalga oshirilmasa, gaz tarmog‘idan uzilishi mumkinligi haqida ogohlantirishlar
berilayotgani bildirilgan. 

Mazkur holat fuqarolarda haqli savollar va xavotirlarni keltirib chiqargani sababli masala 9-Sherobod
saylov okrugidan saylangan deputat Erkinov Azizbek Qahramonovich
tomonidan deputatlik nazoratiga olindi va ijobiy hal qilindi.