Xalq deputatlari Jondor tumani Kengashi deputati I. Xolov hamda tuman Kengashi kotibiyati bosh mutaxassisi J. Norovlar tomonidan Prezidentning PQ–393-sonli qarori ijrosi doirasida Istiqlol mahallasidagi bunyodkorlik ishlari o‘rganildi.

Jumladan, 7-umumiy o‘rta ta’lim maktabi uchun barpo etilayotgan 240 o‘rinli qo‘shimcha o‘quv binosi qurilishi ko‘zdan kechirildi. Loyihaning qiymati 3 milliard 384 million 329 ming so‘mni tashkil etadi.

🔽O‘rganish davomida qurilish-montaj ishlarining sifati, belgilangan muddatlarga rioya etilishi hamda obyektni elektr tarmog‘iga ulash, transformator atrofini o‘rash va qozonxona faoliyatini tiklash masalalari muhokama qilindi.

Shuningdek, maktabda inklyuziv ta’lim oluvchi o‘quvchilar uchun zamonaviy lift o‘rnatilgani alohida ta’kidlandi. Mazkur qulaylik imkoniyati cheklangan o‘quvchilarning maktab binosida erkin harakatlanishi va ta’lim olishi uchun yanada qulay sharoit yaratmoqda.

🔽Yangi bino foydalanishga topshirilishi bilan o‘quvchilar uchun zamonaviy va qulay ta’lim muhiti kengayadi. Mazkur yo‘nalishdagi o‘rganish va jamoatchilik nazorati ishlari davom ettirilmoqda.