Xalq deputatlari Chilonzor tumani Kengashi deputati Xidiyatullina Rima Rashitovna tomonidan saylov okrugida fuqarolar bilan muntazam uchrashuvlar o‘tkazilib, aholini qiynayotgan masalalar tizimli ravishda o‘rganib borilmoqda.

Deputat faoliyatida har bir murojaat, har bir ko‘tarilgan muammo, amalga oshirilayotgan har bir harakat va ijro jarayoni “Deputat daftari”ga belgilangan tartibda kiritilib, doimiy nazorat ostida yuritiladi.

Jumladan, fuqarolar tomonidan maktabgacha ta’lim tizimiga oid ko‘tarilgan murojaatlar ham “Deputat daftari”ga qayd etilib, ular asosida O‘zbekiston Respublikasi Vazirlar Mahkamasining 2018-yil 28-martdagi 244-son qarori bilan tasdiqlangan “Bolalarni davlat maktabgacha ta’lim tashkilotlariga qabul qilish bo‘yicha davlat xizmatlari ko‘rsatishning ma’muriy reglamenti” ijrosi yuzasidan deputat so‘rovi yuborildi.

Mazkur murojaat bo‘yicha tegishli tashkilot tomonidan rasmiy javob taqdim etildi hamda masala yuzasidan amaliy choralar ko‘rilayotgani ma’lum qilindi.

“Deputat daftari” orqali yuritilayotgan bunday tizimli ishlar fuqarolar murojaatlarining o‘z vaqtida ko‘rib chiqilishi, ijro holatining nazorat qilinishi va muammolarni amaliy hal etishga xizmat qilmoqda.

Deputat tomonidan “Deputat daftari”ga kiritilgan barcha murojaatlar va ular bo‘yicha amalga oshirilayotgan ijro ishlari deputatlik nazorati tartibida izchil kuzatib boriladi.