Xalq deputatlari Parkent tuman Kengashiga 15-“Beshkappa” saylov okrugidan saylangan deputat, tuman Kengashi kotibiyati mudiri Berdiqulova Mavluda Tojiddinovna tomonidan o‘zi saylangan okrugdagi “Oybek” mahallasida bo‘lib, “Mahalla yettiligi” tomonidan amalga oshirilayotgan ishlar o‘rganildi.O‘rganish jarayonida hokim yordamchisi B.Najmiddinov tomonidan aholini kambag‘allikdan chiqarish,bandligini ta’minlash hamda oilaviy tadbirkorlikni rivojlantirish yo‘nalishlarida amalga oshirilayotgan ishlar tahlil qilindi.Ma’lum qilinishicha, Oilaviy tadbirkorlikni rivojlantirish dasturi doirasida 10 nafar fuqaroga jami 220 mln so‘m imtiyozli kredit mablag‘lari ajratilgan. Shuningdek, “Mahalla loyihasi” va “Biznesga birinchi qadam” dasturlari asosida biriktirilgan tijorat banki bilan hamkorlikda 23 nafar fuqaroga 630 mln so‘m kredit mablag‘lari berilgan.Kasb-hunarga o‘qitish yo‘nalishida esa 7 nafar fuqaroga vaucher ajratilib, ulardan 5 nafari o‘qishni muvaffaqiyatli yakunlab, sertifikatga ega bo‘lgan.Joriy yilning 6 oyi davomida 72 nafar fuqaro turli korxona va tashkilotlarga ishga joylashtirilgan, 180 nafar fuqaro esa o‘zini o‘zi band qilgan shaxs sifatida ro‘yxatdan o‘tkazilgan.O‘rganish davomida oilaviy tadbirkorlikni rivojlantirish dasturlari doirasida ajratilgan imtiyozli kreditlar hisobiga amalga oshirilayotgan loyihalar joyiga chiqib ko‘zdan kechirildi. Har bir loyiha faoliyat yuritayotgani va ajratilgan mablag‘lardan maqsadli foydalanilayotgani aniqlandi.Uchrashuv yakunida mahalla fuqarolar yig‘ini raisi bilan hamkorlikda aniqlangan muammolarni bosqichma-bosqich bartaraf etish, ijtimoiy himoyaga muhtoj oilalarni qo‘llab-quvvatlash, bandlikni yanada oshirish hamda tadbirkorlikni rivojlantirish bo‘yicha amalga oshiriladigan chora-tadbirlar yuzasidan tegishli tavsiya va takliflar bildirildi.