Xalq deputatlari Muzrabot tumani Kengashi deputatlari D.Choriyeva, B.Kurbanov, B.Muxammadiyeva va U.Artikovalar o‘zlari saylangan mahallalar hududida joylashgan ijtimoiy soha obyektlarida kuz-qish mavsumiga tayyorgarlik bo‘yicha isitish tizimlarining ishlash holati bilan tanishdilar.

O‘rganish jarayonida kuz-qish davrida qozonxonalarning barqaror va uzluksiz ishlashini ta’minlash maqsadida soha tashkilotlari tomonidan zarur suyuq va qattiq yoqilg‘i zaxirasi yaratilishiga e’tibor qilindi. O‘rganishlar davomida muassasalarda kuz-qish mavsumiga tayyorgarlik holatini, maktablardagi sinf xonalarining holati, isitish tizimi hamda o‘quv jarayoni uchun yaratilgan shart-sharoitlar ko‘zdan kechirildi.

Aniqlangan kamchiliklarni bartaraf etish bo‘yicha deputatlar tomonidan ma’sullarga ko‘rsatma va tavsiyalar berildi.