Katta bayram va tantana tarzida tashkil qilingan tadbirda barcha o‘quvchilar faol qatnashdilar. 1–2-sinf o‘quvchilari “Hosil bayrami” doirasida tayyorgarlik ko‘rgan bo‘lsalar, 3–4-sinf o‘quvchilari fan doirasida o‘tilgan mavzular bo‘yicha loyiha ishlari taqdimotini tayyorladilar.

5–6-sinf o‘quvchilari “5 tashabbus” doirasida rasm chizish tanlovini tashkil etdilar.

7–8-sinf o‘quvchilari “Qo‘l ishlari ko‘rgazmasi”ni tashkil qilgan bo‘lsalar, 9-sinf o‘quvchilari sinflar kesimida “Osh tanlovi”da o‘zaro bellashdilar.

10-sinf o‘quvchilari viloyatlarning geografik joylashuvi, aholisi va sanoati haqida ma’lumot berib, viloyatning o‘ziga xosligi hamda qadriyatlariga to‘xtalib o‘tdilar.

Katta ishtiyoq bilan tashkil qilingan bayramga o‘quvchilarni taqdirlash va tabriklash uchun bir qator mehmonlar tashrif buyurdilar.

O‘zbekiston Ta’lim va fan xodimlari kasaba uyushmasi Respublika kengashi raisi o‘rinbosari Javlonov Shavkat Sardorovich o‘quvchilar bilan birma-bir suhbatlashib, ularning ijodiy ishiga yuqori baho berdilar.

Shuningdek, tadbirda O‘zbekiston Ta’lim va fan xodimlari kasaba uyushmasi Toshkent shahar bo‘linmasi kengashi raisi Rahmonov Abduxalil Rasulovich o‘quvchilarga esdalik sovg‘alari bilan ishtirok etdilar.

O‘zbekiston voleybol federatsiyasi bosh kotibi, Markaziy Osiyo voleybol assotsiatsiyasi vitse-prezidenti Alimov Farhod Sharibovich ham tadbirda ishtirok etib, maktab uchun esdalik sovg‘alarini topshirdilar.