224-SONLI MAKTABDA STADION QURILISHI YUZASIDAN DEPUTATLIK NAZORATI OLIB BORILDI

📍Xalq deputatlari Olmazor tumani Kengashi raisi Shaxnoza Umarxodjayeva boshchiligida, 28-«Chimboy» saylov okrugidan yangi saylangan deputat Ma’rufjon Mirzamaxmudov, Kengash kotibiyati bosh mutaxassisi B.Xoliqjonovalar ishtirokida 224-sonli umumta’lim maktabida o‘rganish ishlari olib borildi.

🏗 O‘rganish davomida «Tashabbusli budjet» loyihasi doirasida g‘olib bo‘lgan stadion qurilishi jarayoni ko‘zdan kechirildi. Qurilish ishlarining borishi, amalga oshirilayotgan ishlar hamda mavjud rejalar yuzasidan mas’ullarning ma’lumotlari tinglandi.

⚽️ Shuningdek, o‘quvchilar uchun zamonaviy sport infratuzilmasini yaratish, ularning jismoniy tarbiya va sport bilan muntazam shug‘ullanishlari uchun munosib sharoitlarni ta’minlash masalalariga alohida e’tibor qaratildi.

📌 O‘rganishdan ko‘zlangan maqsad — qurilish ishlarining borishini nazorat qilish, ta’lim muassasasida sport bilan shug‘ullanish uchun qulay sharoitlar yaratilishini ta’minlash hamda yoshlar uchun yaratilayotgan imkoniyatlar samaradorligini oshirishdan iborat.

👇 Bizni ijtimoiy tarmoqlarda kuzatib boring!