#Deputatlik_nazorati #24_ta_tavsiyaviy_savol

❗️ 180-SONLI MAKTABDA O‘QUVCHILARNING SOG‘LOM OVQATLANISHI VA SANITARIYA-GIGIYENA SHAROITLARI DEPUTATLAR TOMONIDAN O‘RGANILDI

🏛 Xalq deputatlari Toshkent shahar Kengashi deputati Aziz Ibragimov hamda Xalq deputatlari Shayxontohur tumani Kengashi deputati K. Xursanov tomonidan tumandagi 180-sonli umumta’lim maktabida o‘quvchilarning sog‘lom va sifatli ovqatlanishini ta’minlash, maktab oshxonasining sanitariya-gigiyena holati hamda oziq-ovqat mahsulotlari bilan ta’minlanganlik darajasi yuzasidan o‘rganish ishlari olib borildi.

🔎 O‘rganish davomida maktab oshxonasi va ovqat tayyorlash xonalarining tozaligi, sanitariya-gigiyena talablariga rioya etilishi, oziq-ovqat mahsulotlarini saqlash sharoitlari hamda ularning sifati va yaroqlilik muddatlari bevosita joyiga chiqib ko‘zdan kechirildi.

🥗 Xususan, o‘quvchilarning sifatli, xavfsiz va to‘yimli oziq-ovqat mahsulotlari bilan ta’minlanishi, ovqat tayyorlash jarayonida belgilangan sanitariya talablariga amal qilinishi hamda mahsulotlarning tegishli sharoitlarda saqlanishi masalalariga alohida e’tibor qaratildi.

🔺 Shuningdek, oshxona xodimlarining tibbiy ko‘rikdan o‘tganligi, maxsus ish kiyimlari bilan ta’minlanganligi hamda ovqat tayyorlash jarayonida shaxsiy gigiyena talablariga rioya etilishi holati o‘rganildi.

🩺 Deputat Aziz Ibragimov o‘quvchilarning sog‘lom ovqatlanishi ularning salomatligini mustahkamlash, jismoniy va aqliy rivojlanishini qo‘llab-quvvatlash hamda ta’lim jarayonida faol ishtirok etishi uchun muhim omillardan biri ekaniga e’tibor qaratdi.

📉 Mazkur o‘rganish mahalliy Kengash deputatlari faoliyatining muhim yo‘nalishlaridan bo‘lgan aholi, ayniqsa, bolalar salomatligini muhofaza qilish, ta’lim muassasalarida yaratilgan sharoitlarni o‘rganish hamda oziq-ovqat mahsulotlarining sifati va xavfsizligiga e’tibor qaratish vazifalari bilan hamohangdir.

🏫 Ta’kidlanganidek, maktabda sifatli ta’lim olish uchun yaratilgan sharoitlar bilan bir qatorda, o‘quvchilarning sog‘lom ovqatlanishini tashkil etish, oshxonalarda sanitariya-gigiyena talablariga qat’iy rioya etish va oziq-ovqat xavfsizligini ta’minlash ham alohida ahamiyat kasb etadi.

🤝 O‘rganish yakunida Aziz Ibragimov va K. Xursanov tomonidan aniqlangan kamchiliklarni bartaraf etish, oshxona faoliyatini sanitariya-gigiyena talablariga muvofiq tashkil etish hamda o‘quvchilar uchun sifatli ovqatlanish sharoitlarini ta’minlash yuzasidan tegishli tavsiyalar berildi.

♻️ Xalq deputatlari Toshkent shahar Kengashi deputati Aziz Ibragimov tomonidan ta’lim muassasalarida bolalar uchun yaratilgan sharoitlarni o‘rganish, ularning salomatligi va xavfsizligiga daxldor masalalarga e’tibor qaratish deputatlik faoliyatining muhim yo‘nalishlaridan biri hisoblanadi.

🗣 Farzandlarimizning sog‘lom ovqatlanishi, xavfsiz muhitda ta’lim olishi va har tomonlama barkamol ulg‘ayishi — barchamizning umumiy mas’uliyatimizdir.

📱 Telegram 📱 Instagram 📱 Facebook 📱 YouTube 🔎 E-kengash