Fuqarolar murojaatlari o‘rganildi

Xalq deputatlari Namangan shahar Kengashi deputati, Namangan shahar hokimi A.Kamalov tomonidan Namangan shahrining “G‘uncha” mahallasida fuqarolar bilan ochiq muloqot o‘tkazildi.

Muloqot davomida aholini qiynab kelayotgan masalalar, hudud infratuzilmasini yaxshilash, kommunal xizmatlar sifati, bandlik hamda ijtimoiy sohadagi mavjud muammolar yuzasidan murojaatlar tinglandi.

Fuqarolar tomonidan bildirilgan taklif va tashabbuslar atroflicha muhokama qilinib, ko‘tarilgan masalalarni hal etish yuzasidan tegishli tashkilot va idoralar mas’ullariga aniq topshiriqlar berildi.

Tadbir davomida murojaatlarni o‘z vaqtida va sifatli hal etish, aholini qiynayotgan muammolarni bartaraf etish hamda hududni yanada obod va qulay maskanga aylantirish bo‘yicha amalga oshiriladigan ustuvor vazifalar belgilab olindi.