Xalq deputatlari Uchquduq tuman Kengashi 2-Shalxar saylov okrugi deputati K. Narchayev tomonidan Shalxar OFYda fuqarolarning murojaatlarini o‘rganish, mavjud muammolarni aniqlash hamda ularni joyida hal etish maqsadida deputatlik qabuli tashkil etildi.

🤝 Qabul jarayonida Ovul fuqarolar yig‘ini yettiligi, tuman obodonlashtirish bo‘limi, “Toza hudud”, suv ta’minoti hamda Davlat soliq inspeksiyasi mas’ullari ishtirok etdi.

📌 Qabul davomida fuqarolar tomonidan ijtimoiy-maishiy masalalar, hudud obodonchiligi, ichimlik suvi ta’minoti, sanitariya-tozalik va boshqa masalalar yuzasidan murojaatlar bildirildi.
Har bir murojaat mas’ullar tomonidan birma-bir tinglanib, ko‘tarilgan masalalar yuzasidan fuqarolarga tegishli tushuntirish va tavsiyalar berildi.

🗣 Sayyor qabul davomida fuqarolar bilan ochiq muloqot o‘tkazilib, ularning taklif, fikr va murojaatlari tinglandi. Murojaatlarda ko‘tarilgan masalalarni tegishli tashkilotlar bilan hamkorlikda hal etish bo‘yicha mas’ullarga tegishli topshiriqlar berildi.

📍 Fuqarolar murojaatlari — deputatlik nazoratining muhim yo‘nalishlaridan biridir.