🔵 DEPUTAT YOKI SENATOR QONUNCHILIKNI BUZGANLIK HOLATIGA OID MATERIALLAR QANDAY KO‘RIB CHIQILADI?

Amaldagi qonunchilikka ko‘ra, deputat yoki senatorning qonunchilikni buzganligi dalillariga oid materiallar tegishli xalq deputatlari viloyat, tuman, shahar Kengashi, Qonunchilik palatasi yoki Senat (Senat Kengashi) tomonidan dastlabki tarzda ko‘rib chiqish uchun tegishincha viloyat, tuman, shahar prokuroriga yoki O‘zbekiston Respublikasi Bosh prokuroriga topshiriladi.

🔎 Prokuror tomonidan materiallar dastlabki tarzda ko‘rib chiqilib, mazkur masala yuzasidan tegishli xalq deputatlari Kengashining, Qonunchilik palatasining yoki Senatning deputatlik odobi qo‘mitasiga (komissiyasiga) xulosa taqdim etiladi.

📋 Shundan so‘ng tegishli Kengash, Qonunchilik palatasi yoki Senat deputatlik odobi qo‘mitasi (komissiyasi) hamda prokurorning xulosalarini eshitish yakunlari bo‘yicha deputatni yoki senatorni chaqirib olish masalasini qo‘yish asosliligi yoki asossizligi to‘g‘risida qaror qabul qiladi.

📖 Huquqiy asos: O‘zbekiston Respublikasining 2004-yil 2-dekabrdagi 708-II-son “Xalq deputatlari mahalliy Kengashi deputatini, O‘zbekiston Respublikasi Oliy Majlisining Qonunchilik palatasi deputatini va Senati a’zosini chaqirib olish to‘g‘risida”gi Qonuni, 2-moddasi.

🔹 Eslatma: qonunda “qonunchilikni buzganlik holati” degan qat’iy xulosa emas, aynan “qonunchilikni buzganligi dalillariga oid materiallar” iborasi qo‘llangan. Shu sababli axborot postida ham mazkur huquqiy ifodani saqlash maqsadga muvofiq.

✍️Uzun tumani Kengash Kotibiyati Axborot xizmati