Mahalla xotin-qizlar faoli faoliyati o‘rganildi

Xalq deputatlari Termiz tuman Kengashi 18-Do‘stlik saylov okrugi deputati A. Abdullayev tomonidan Do‘stlik MFYda “Mahalliy Kengash deputati faoliyatining eng muhim yo‘nalishlari bo‘yicha tavsiyalar”ning 6-bandi — mahalla xotin-qizlar faoli tomonidan amalga oshirilayotgan ishlar samaradorligini o‘rganish yuzasidan o‘rganish ishlari olib borildi.

O‘rganish davomida mahalla xotin-qizlar faoli tomonidan hududdagi xotin-qizlar bilan ishlash, ularning muammolarini aniqlash va mavjud masalalarni hal etish, ijtimoiy himoyaga muhtoj hamda muammoli oilalar bilan manzilli ishlash borasida amalga oshirilayotgan ishlar holati ko‘zdan kechirildi.

Shuningdek, xotin-qizlarning bandligini ta’minlash, ularni kasb-hunarga o‘qitish va tadbirkorlik faoliyatiga jalb etish, ehtiyojmand oilalarni qo‘llab-quvvatlash, oilaviy muhitni yaxshilash hamda turli muammolarning oldini olish bo‘yicha olib borilayotgan ishlar ham o‘rganildi.

Deputat tomonidan mahallada xotin-qizlar bilan ishlash tizimini yanada kuchaytirish, murojaatlarni o‘z vaqtida o‘rganish va aniqlangan muammolarni tegishli tashkilotlar bilan hamkorlikda hal etish masalalariga alohida e’tibor qaratildi.

Aniqlangan masalalar yuzasidan tegishli tavsiya va topshiriqlar berilib, ularning ijrosi deputatlik nazoratiga olindi.