Xalq deputatlari Oqoltin tumani Kengashining navbatdagi 34-sessiyasi kun tartibiga kiritilgan masalalarni ko‘rib chiqish maqsadida Kengashning Mahalliy budjet, tadbirkorlikni rivojlantirish va ijtimoiy islohotlar masalalari bo‘yicha doimiy komissiyasi yig‘ilishi bo‘lib o‘tdi.

Yig‘ilishda tumanda muqobil energiya manbalaridan foydalanishni joriy etish va energiya samaradorligini oshirish bo‘yicha amalga oshirilgan ishlar yuzasidan tuman hokimining birinchi o‘rinbosari M. Xomidjonovning hisoboti eshitildi.

Hisobot davomida tumanda qayta tiklanuvchi energiya manbalaridan foydalanishni kengaytirish, energiya tejamkor texnologiyalarni joriy etish hamda energiya resurslaridan samarali foydalanish borasida amalga oshirilayotgan ishlar muhokama qilindi.

Shuningdek, energiya samaradorligini yanada oshirish, mavjud imkoniyatlardan samarali foydalanish va bu boradagi ishlarni tizimli davom ettirish yuzasidan deputatlar tomonidan fikr-mulohaza va takliflar bildirildi.