Murojaatlar bilan ishlash bo‘yicha qaror tasdiqlandi

Xalq deputatlari Termiz tuman Kengashining 2026-yil 21-sentabrdagi VII-22-122-8-117-K/26-sonli qarori tasdiqlandi.

Mazkur qaror O‘zbekiston Respublikasi Oliy Majlisi Senati Kengashining 2026-yil 22-iyundagi “Xalq deputatlari viloyat, tuman, shahar Kengashlari sessiyalarida mas’ul davlat organlari va tashkilotlari rahbarlarining murojaatlar bilan ishlash bo‘yicha axborot (hisobot)lari eshitishini samarali tashkil qilish chora-tadbirlari haqida”gi KQ-360-V-sonli qarori ijrosini ta’minlash maqsadida qabul qilindi.

Qaror bilan davlat organlari va tashkilotlari tomonidan fuqarolar murojaatlari bilan ishlash holatini tizimli o‘rganish, murojaatlarni ko‘rib chiqish samaradorligini oshirish hamda sessiyalarda mas’ullarning axborot va hisobotlarini eshitish bo‘yicha vazifalar belgilandi.

Shuningdek, aholi murojaatlarida ko‘tarilayotgan muammolarni chuqur tahlil qilish, ularni manzilli hal etish va murojaatlar bilan ishlashda mas’uliyatni kuchaytirishga alohida e’tibor qaratildi.