#Kengash_raisi_faoliyati #doimiy_komissiya_faoliyati
#162_ta_Qonun_ijrosi #biriktirilgan_tashkilot #deputat_faoliyati #kunlik_ish_reja_ijrosi

Voyaga yetmaganlar bilan ishlash bo‘yicha o‘rganish olib borildi

Xalq deputatlari tuman Kengashi raisi J. Xudoyqulova hamda tuman Kengashining Korrupsiyaga qarshi kurashish, davlat organlarida ochiqlikni ta’minlash va huquqiy masalalar bo‘yicha doimiy komissiyasi a’zosi B. Botayeva tuman Ichki ishlar bo‘limida bo‘lib, biriktirilgan tashkilot bilan ishlash yo‘nalishi doirasida o‘rganish ishlarini olib bordi.

O‘rganish jarayonida voyaga yetmaganlar bilan ishlash, ularning huquq va qonuniy manfaatlarini himoya qilish, nazoratsiz va qarovsiz qolishining oldini olish, shuningdek, voyaga yetmaganlar o‘rtasida huquqbuzarliklarning profilaktikasini ta’minlash borasida amalga oshirilayotgan ishlar yuzasidan tegishli ma’lumotlar o‘rganildi.

Shu bilan birga, “Voyaga yetmagan shaxslarga jamoat tarbiyachilarini tayinlash tartibi to‘g‘risidagi nizomni tasdiqlash haqida”gi Vazirlar Mahkamasining 2021-yil 3-iyundagi 339-son qarori ijrosi yuzasidan tayyorlangan savolnoma asosida o‘rganish olib borildi.

O‘rganish davomida voyaga yetmagan shaxslarga jamoat tarbiyachilarini tayinlash, ular faoliyatini tashkil etish, tarbiyaviy va profilaktik ishlarni olib borish bilan bog‘liq masalalarga alohida e’tibor qaratildi.

Aniqlangan holatlar yuzasidan mas’ullardan tushuntirish va ma’lumotlar olinib, mavjud kamchiliklarni bartaraf etish hamda voyaga yetmaganlar bilan ishlash samaradorligini oshirish bo‘yicha tegishli taklif va tavsiyalar bildirildi.

Qiziriq tumani Kengashi Axborot xizmati 
Rasmiy sahifalarimiz👇
Telegram | Facebook | E-kengash |Instagram