XALÍQ BÁNTLIGIN TÁMIYINLEW JOLÍNDA

Ǵárezsizliktiń dáslepki jıllarında milliy mámleketshiligimiz tiykarları jaratılıp, watanlaslarımızda milliy ózlikti ańlaw tuyǵısı oyandı, siyasiy hám ekonomikalıq sistemamız qáliplestirildi. Búgingi kúnge kelip, biz ǵárezsizlik jemislerin Jańa Ózbekstanda jańalanıwlar qushaǵında kóriw baxtına miyasar bolmaqtamız.
Elimizde Jańa Ózbekstan rawajlanıw strategiyası tiykarında xalqımız benen másláhátli túrde ámelge asırılıp atırǵan keń kólemli reformalar, elimizde hárbir insannıń qádir-qımbatınıń joqarı dárejede ulıǵlanıwına xızmet etpekte.Hár kúni kóz aldımızda bolıp atırǵan dóretiwshilik isler, jańalanıwlar, abat awıllar menen máhálleler, kósheler, záwlim imaratlar menen miywalı baǵlar, bulardıń barlıǵı Jańa Ózbekstanda insannıń óz qolı menen jaratıp atırǵan, dóretiwshilik miynetleriniń jemisi, durıs hám ádil, danalıq penen júrgizilip atırǵan siyasattıń nátiyjesi esaplanadı.
Mine, usınday jańalanıwlar Prezidentimizdiń ayrıqsha itibarı hám ǵamxorlıǵı nátiyjesinde Qaraqalpaqstan xalqınıń turmısında óz sáwleleniwin taptı. Búgingi kúnde Qaraózek rayonı xalqı 54 mıńnan aslam bolıp, miynet resursları 30 mıń 851, ekonomikalıq belsendi xalıq sanı 20 mıń 419d quramaqta.
Usı jıldıń yanvar-iyun aylarında xalıqtı turaqlı jumısqa jaylastırıw boyınsha belgilengen 622 reje ornına 756 jańa jumıs ornı jaratıldı. Yaǵnıy reje 122 procentke orınlanǵan.
Jıldıń aqırına shekem rayonda 1 mıń 703 turaqlı jumıs ornın jaratıw, 1 mıń 182 rásmiy emes jumıs ornın legallastırıw jáne 3 mıń 502 puqaranıń dáramatın arttırıwǵa qaratılǵan ilajlardı ámelge asırıw maqset etilgen.
Eń áhmiyetlisi, ekonomikalıq ósiwdi xalıqtıń dáramatı hám bántligine aylandırıwǵa ayrıqsha itibar qaratılmaqta.
Atap aytqanda, 2026-jılı "Drayver" joybarları sheńberinde "Ǵarezsizlik gúzarı" hám "Qutlı mákan" mákan puqaralar jıyınlarında ulıwma bahası 8,5 milliard sumlıq joybarlardı ámelge asırıw belgilengen. Bul joybarlar nátiyjesinde 55 jańa jumıs ornı jaratılıp, 35 jańa salıq tólewshi subekt jumısı jolǵa qoyıladı.
Aytarımız, búgin bizge insan hám onıń miyneti óz qádirin tapqan zamanda dóretiwshilik penen shuǵıllanıw baxtı nesip etken.
Demek, qálbimizdegi ilham dep atalǵan ilahiy shıraǵımız, mudamı xalqımız erisken tabıslardı sáwlelendiriw jolında, óz shuǵlaların tarata beredi


B.NIETULLAEV,
Xalıq deputatları Qaraózek rayonlıq Keńesi 4-A.Tóreshov okruginen deputat, Ózbekstan Ekologiyalıq partiyası deputatlıq toparı aǵzası.