Xalq deputatlari Mirzo Ulug‘bek tumani Kengashining 18-“Avayxon” saylov okrugi deputati, O'zLiDeP a'zosi Ruslan Yerniyazovga “Do‘rmon yo‘li” ko‘chasidagi (“Qorasuv-5”) ko‘p kvartirali uylar aholisidan chiqindilarni tashlash uchun belgilangan maxsus joy ajratish yuzasidan murojaat yo‘llangan edi.

Ushbu murojaatni o‘rganish yuzasidan, ya’ni chiqindilarni tashlash uchun belgilangan maxsus joy o‘rnini aniqlash maqsadida, deputat tomonidan mahalla faollari va tegishli ijro organi rahbarlarining uchrashuvi tashkil etilib, suhbat o‘tkazildi.

O‘tkazilgan uchrashuvda axlat to‘plagichlar maydonchalaridan turar-joy binolari, fizkultura maydonchalari, bolalar o‘ynaydigan va katta yoshdagilarning dam olish maydonchalari, shuningdek, maktabgacha ta’lim va davolash muassasalari hamda ovqatlanish muassasalarigacha bo‘lgan masofa 25 metrdan kam bo‘lmagan holda bo‘lgan maxsus joyni ko‘rib chiqish va fuqarolar o‘rnatish joyi bo‘yicha takliflarini inobatga olgan holda navbatdagi uchrashuvni o‘tkazish belgilandi.

Ushbu tadbirlarida Xalq deputatlari Mirzo Ulug‘bek tumani Kengashi kotibiyati mudiri Shoanvar Shomaxmudov ham ishtirok etdi.