#deputatlik_nazorati_Uchtepa #deputat_so'rovi

🇺🇿 Xalq deputatlari Uchtepa tumani Kengashiga O'zbekiston milliy tiklanish demokratik partiyasidan saylangan "17-Guliston" okrugi deputati Tursunova Shahnoza Jurakulovna tomonidan Uchtepa tumani hokimining qurilish, to‘siqlarsiz muhit yaratish, kommunikasiyalarni rivojlantirish, ekologiya va ko‘kalamzorlashtirish masalalari bo‘yicha o‘rinbosari – tuman Obodonlashtirish boshqarmasi boshlig‘i Nurali Ismatovga navbatdagi deputatlik so'rovi chiqarildi.

📊 Xalq deputatlari Uchtepa tumani Kengashining 2026-yil 25-maydagi III-29-42-14-202-K/26-son qarori bilan “Obod mahalla” dasturi doirasida 2024-yilda boshlangan va yakuniga yetkazilmay qolgan loyihalarni amalga oshirish uchun mablag‘ ajratilganligi, shunga qaramasdan, Uchtepa tumani 30-mavzedagi 8-, 9- va 11-sonli ko‘p qavatli uylar oldidagi asfalt qoplamasini tiklash ishlari hanuzga qadar yakuniga yetkazilmagan, hududda ayrim qurilish materiallari ham qolib ketganligi qayd etilgan.

📈 Yuqoridagilarni inobatga olib:

✍️ 30-mavzedagi 8-, 9- va 11-sonli uylar oldidagi “Obod mahalla” dasturi doirasida bajarilishi lozim bo‘lgan ishlarning hozirgi holatini o‘rganish;

✍️ asfalt qoplamasini tiklash va hududda qoldirilgan qurilish materiallarini olib chiqish ishlarini belgilangan tartibda tashkil etish;

✍️ mazkur ishlarning aniq bajarilish muddatlarini belgilab, yakuniga yetkazilishini ta’minlash;

✍️ ko‘rilgan choralar va amalga oshirilgan ishlar natijalari haqida aniq ma’lumot berish hamda qonunchilikda belgilangan muddatlarda yozma ravishda asoslantirilgan javob taqdim etish so'ralgan.

🗣 Deputatlik so‘rovida ko‘tarilgan masala yuzasidan o‘rganish natijalari hamda amalga oshiriladigan ishlar bo‘yicha 10 kun muddatda asoslantirilgan ma’lumot taqdim etish talabi qo‘yilgan. Mazkur masala deputat tomonidan nazoratga olingan.