Xalq deputatlari Toshkent shahar Kengashi deputatlari X.Akilov, N.Eshmetova, A.Ibragimov, M.Ilxomov, va tuman Kengashi deputatlari M.Raxmatillayeva, D.Islamovalar hamkorligida davlat maktabgacha taʼlim muassasalarida bolalar hayoti va sogʻligʻini muhofaza qilish talablariga rioya etilishi yuzasidan oʻrganish olib borildi.
Oʻrganish Shayxontohur tumanidagi 62-sonli maktabgacha taʼlim muassasasida tashkil etildi. Oʻrganish jarayonida deputatlar tomonidan sanitariya normalari, oziq-ovqat tayyorlash, saqlash va yongʻin xavfsizligi hamda tibbiy yordamga rioya etilishi masalalariga alohida eʼtibor qaratildi.
Xususan, muassasada sanitariya, dezinfeksiya va ovqat tayyorlashda kaloriya normalari talablariga rioya etilishi umumiy qoniqarli darajada darajada ekanligi maʼlum boʻldi.
Oʻrganishlar davomida bildirilgan tavsiya va takliflarni inobatga olib, sport va oʻyin zonalarini xavfsizlashtirish, personal xodimlar uchun tibbiy treninglarni tashkil etish, ota-onalarni va jamoatchilikni umumiy tekshiruvlarga jalb qilish kerakligi haqida muassasa masʼullariga tavsiyalar berildi.
Oʻrganish yakunida deputatlar tomonidan bolalar hayoti va sogʻligʻi jamiyatda eng muhum vazifa ekanligini taʼkidlab oʻtildi.