Yig‘ilishda quyidagi masalalar ko‘rib chiqildi:

 Mahalliy Kengashlar tomonidan jinoyatchilikka qarshi kurashish, huquqbuzarliklar profilaktikasi hamda hududdagi kriminogen vaziyatni barqarorlashtirish bo‘yicha amalga oshirilayotgan ishlar holati;

 Deputatlik so‘rovlari natijalarini tahlil qilish, ularga o‘z vaqtida javob bermaslik va masalalarga yuzaki yondashish holatlari yuzasidan prokuratura organlariga taqdimnomalar kiritish ishlarini samarali tashkil etish;

 Mahalliy vakillik organlari faoliyatini raqamlashtirish borasida amalga oshirilayotgan ishlar holati.

Shuningdek, Mahalliy davlat hokimiyati vakillik organlari faoliyatini 2030-yilga qadar rivojlantirish konsepsiyasining ijrosi holati hamda mahalliy Kengashlar tomonidan amalga oshirilgan ishlar, xususan, norma ijodkorligi faoliyati tahliliga oid masalalar muhokama qilindi.

 Yig‘ilish yakunida tegishli vazifalar belgilab olindi.