Xalq manfaatlarini ta’minlash, aholi bilan ochiq va samimiy muloqotni yo’lga qo’yish maqsadida 11-Toshrabot saylov okrugi deputati М.Umurova o’z saylov okrugida saylovchilar bilan navbatdagi uchrashuvni o’tkazdi. Mazkur uchrashuvda fuqarolarning dardu tashvishlari, taklif va mulohazalari tinglanib, dolzarb masalalar atroflicha muhokama qilindi.

Uchrashuv davomida aholi tomonidan ijtimoiy sohadagi muammolar, kommunal xizmatlar sifatini yaxshilash, yo’llar holati, bandlik masalalari, tadbirkorlikni qo’llab-quvvatlash va infratuzilmani rivojlantirishga oid qator murojaatlar bildirildi. Har bir murojaat diqqat bilan eshitilib, tegishli tashkilotlar bilan hamkorlikda ularni hal etish yuzasidan amaliy choralar ko’rilishi ta’kidlandi.

Shuningdek, deputat tomonidan amalga oshirilayotgan ishlar, qabul qilingan qarorlar va kelgusidagi rejalar haqida ham batafsil ma’lumot berildi. Bu esa fuqarolarning davlat boshqaruvidagi ishtirokini yanada kuchaytirish, ularning ishonchini mustahkamlashga xizmat qiladi.

Uchrashuv yakunida bildirilgan barcha taklif va murojaatlar nazoratga olinib, ularni bosqichma-bosqich hal etish bo’yicha aniq vazifalar belgilab olindi. Bunday ochiq muloqotlar aholi manfaatlarini ta’minlash, joylardagi muammolarni o’z vaqtida aniqlash va samarali yechim topishda muhim ahamiyat kasb etadi.