8-mart bayrami munosabati bilan ayol deputatlar taqdirlandi.

8-mart — Xalqaro xotin-qizlar kuni munosabati bilan Xalq deputatlari Namangan shahar Kengashida faoliyat yuritayotgan ayol deputatlar e’tirof etilib, ularga bayram sovg‘alari topshirildi.

Mazkur tadbir doirasida Xalq deputatlari Namangan shahar Kengashi raisi, deputat Isakov Rustam Raxmanovich hamda shahar Kengashi kotibiyati mudiri Ubaydullayev Nosir Qodirovich ayol deputatlarni samimiy qutlab, ularning davlat va jamiyat hayotidagi o‘rni alohida ahamiyatga ega ekanini ta’kidladilar.

Tabrik so‘zlarida xotin-qizlarning mamlakatimiz ijtimoiy-siyosiy hayotidagi faolligi, jamiyat rivojiga qo‘shayotgan munosib hissasi hamda o‘z zimmasidagi mas’uliyatli vazifalarni sidqidildan bajarib kelayotgani alohida qayd etildi. Shuningdek, erkak deputatlar nomidan ayol deputatlarga samimiy tabrik va ezgu tilaklar bildirilib, ularning jamiyat hayotidagi faolligi hamda yurt taraqqiyotiga qo‘shayotgan hissasi alohida e’tirof etildi.

Tadbir yakunida ayol deputatlarga mustahkam sog‘liq, oilaviy farovonlik, tinchlik-xotirjamlik hamda kelgusi faoliyatlarida yangi muvaffaqiyatlar tilanib, ularga bayram sovg‘alari topshirildi.