Joyiga chiqib o‘rganildi

Xalq deputatlari Namangan shahar Kengashi O‘zLiDeP deputati Bahodir Xalilov hamda partiya apparati rahbari Ziyoda Rasulova 2-Barakamol avlod saylov okrugiga qarashli Guzar, Objuvoz, Sanoat va Oltitosh mahallalarida bo‘lib, aholi bilan uchrashdi.

Tashrif davomida fuqarolar bilan muloqot o‘tkazilib, ularni qiynab kelayotgan masalalar joyida o‘rganildi. Shuningdek, “Mahalla yettiligi” a’zolari bilan hududdagi ijtimoiy-iqtisodiy holat yuzasidan fikr almashildi.

Suhbatlar davomida chiqindilarni olib chiqish, avtobus qatnovi sifati hamda gaz ballonlari yetkazib berish bilan bog‘liq masalalar ko‘tarildi.

Bildirilgan murojaatlar deputatlik nazoratiga olinib, ularni hal etish bo‘yicha tegishli tashkilotlar bilan hamkorlikda choralar ko‘rish belgilandi.