Sessiya dawamında Qaraózek rayonı jergilikli byudjeti dáramatlarınıń 2024-jıl úshinshi sheregi dawamında arttırıp orınlanǵan bóleginiń bólistiriliwi hám rayonnıń 2025-jılǵı jergilikli byudjetin tastıyıqlaw máseleleri deputatlar tárepinen kórip shıǵılıp, bul máseleler boyınsha rayonlıq ekonomika hám finans bólimi baslıǵı D.Pirniyazovanıń esabatı hám usınısı dodalandı. Sonday-aq, Ózbekstan Respublikası Ministrler Kabinetiniń 2024-jıl 9-fevral kúngi “Suw jetkerip beriw xızmeti” mámleketlik mákemeleri iskerligin shólkemlestiriw is-ilajları haqqında»ǵı 79-sanlı qararında belgilengen wazıypalardıń orınlanıwı boyınsha rayonlıq “Suw jetkerip beriw xızmeti” mámleketlik mákemesi direktorı orınbasarı A.Mırzaxovtıń usınısı tıńlandı. Sessiya kún tártibindegi turaqlı komissiyalar usınısı menen kiritilgen barlıq máseleler deputatlar pikir-usınısları menen sheshim qabıl etilip, aldaǵı wazıypalar belgilenip alındı. 

  Usınıń menen rayonlıq Keńestiń tórtinshi sessiyası óz jumısın juwmaqladı.