Xalq deputatlari Parkent tumani Kengashiga 16-«Bodomtepa» saylov okrugidan saylangan deputat Ashirmatova Xurshida Soliyevna o‘zi saylangan okrugdagi «Bodomtepa» mahallasida bo‘lib, mahallada “Mahalla yettiligi” tomonidan amalga oshirilayotgan ishlar bilan yaqindan tanishdi.Tashrif davomida hokim yordamchisi J. Xaydarov tomonidan aholini kambag‘allikdan chiqarish, ularning bandligini ta’minlash hamda oilaviy tadbirkorlikni rivojlantirish borasida olib borilayotgan ishlar deputat nazoratida o‘rganildi.O‘rganishlar jarayonida mahallada doimiy daromad manbaiga ega bo‘lmagan 6 nafar fuqaro kasb-hunar va tadbirkorlik yo‘nalishlarida o‘qitilgani, 10 nafar fuqaroning doimiy ish bilan ta’minlanishiga ko‘maklashilgani ma’lum bo‘ldi. Shuningdek, yil boshidan buyon 11 nafar fuqaroga tadbirkorlik faoliyatini rivojlantirish uchun kredit mablag‘lari ajratilgan.Bundan tashqari, 60 nafar fuqaro o‘zini o‘zi band qilgan shaxs sifatida ro‘yxatdan o‘tkazilib, ularning tadbirkorlik tashabbuslarini qo‘llab-quvvatlash va kichik biznes subyektiga aylanishiga ko‘maklashish bo‘yicha zarur ishlar olib borilayotgani qayd etildi.Shuningdek, 2 nafar fuqaro tomonidan kichik ishlab chiqarish va xizmat ko‘rsatish yo‘nalishlarida mikroloyihalar amalga oshirilib, mazkur loyihalar faoliyati yo‘lga qo‘yilgani bildirildi.Mahalla yettiligining tizimli sa’y-harakatlari natijasida yil boshida ijtimoiy reyestrda kambag‘al oila sifatida ro‘yxatda turgan 45 ta oilaning 6 tasi ushbu toifadan chiqarilib, kambag‘al oilalar soni 39 taga kamaygan.O‘rganish yakunida mavjud natijalarni yanada mustahkamlash, aholining daromad manbalarini ko‘paytirish hamda kambag‘allikni qisqartirish bo‘yicha ishlarni izchil davom ettirish yuzasidan tegishli tavsiyalar berildi.