Xalıq deputatları Bozataw rayonlıq Keńesi, sekretariatı baslıǵı, 1-“Palwash ataw” saylaw okrugi (MTDP) saylanǵan deputat A.Ibragimov , 3-“Mádeniyat” saylaw okruginen (ÓzXDP) saylanǵan deputat G.Yusupova hám sekretariat bas qánigesi S.Alimovlar “Bozataw” PPJ aymaǵındaǵı 2-sanlı mektepke shekemgi bilimlendiriw shólkeminde bolıp, tárbiyalanıwshılar ushın jaratılǵan sharayatlar menen tanıstı.
2-sanlı mektepke shekemgi bilimlendiriw shólkemi direktorı K.Sayıpnazarova kútip aldı hámde deputatlardı mektepke shekemgi bilimlendiriw shólkeminde jaratılǵan sharayatlar ishki resurisları, tárbiyalanıwshılar ushın jaratılǵan sharayatlardı jaqınan tanıstırdı.

Búgingi kúnde elimizde jas áwladtı hár tárepleme jetilisken, watanǵa sadıq, bilimli hám aqıllı etip tárbiyalaw máselelerine ayrıqsha itibar qaratılmaqta. Ásirese, mektepke shekemgi bilimlendiriw tarawın rawajlandırıw, balalar ushın zamanagóy sharayatlar jaratıw, olarǵa sapalı bilim hám tárbiya beriw boyınsha keń kólemli reformalar izbe-iz ámelge asırılmaqta. Sebebi, balanıń dúnyaqarasınıń qáliplesiwi, bilimge bolǵan qızıǵıwı hám dáslepki kónlikpeleri eń áwele mektepke shekemgi bilimlendiriw shólkemlerinde qáliplesedi.

Úyreniw dawamında shólkemniń sırtqı kórinisi, abadanlastırılǵan aymaǵı hám balalar dem alıwı hám oyın oynawı ushın arnawlı ornatılǵan maydanshalar kózden ótkerildi. Balalardıń qawipsizligi menen bir qatarda, olardıń fizikalıq rawajlanıwına qaratılǵan sharayatlarǵa ayrıqsha itibar berildi.

Sonday-aq, shólkemniń qısqı máwsımde turaqlı jılılıq penen támiyinlewshi qazanxanalarınıń jaǵdayı, asxanasındaǵı sanitariya-gigiyenalıq talaplarǵa ámel etiliwi, azıq-awqat ónimleriniń saqlanıwı hám sapası úyrenildi.

Úyreniw barısında mektepke shekemgi bilimlendiriw shólkeminde ornatılǵan qáwipsizlik sistemaları, ót óshiriw quralları, baqlaw kameraları hám basqa da qáwipsizlik ilajlarınıń jaǵdayına da itibar qaratıldı.
Sonıń menen birge, tárbiyalanıwshılar ushın paydalanılıp atırǵan oqıw-tárbiya xanaları, oyın hám dem alıw bólimleri, zamanaǵa say oqıw quralları menen támiyinleniwi hám balalarǵa qolaylı ortalıq jaratılıw dárejesi úyrenildi.

Úyreniw juwmaǵında mektepke shekemgi bilimlendiriw shólkemlerinde balalarǵa sapalı bilim hám tárbiya beriw, olardıń qawipsizligi menen salamatlıǵın támiyinlew, sonıń menen birge qolaylı sharayatlar jaratıw máseleleri hár dayım turaqlı itibarda bolıwı kerekligi atap ótildi.

Tárbiyalanıwshılar ushın jaratılǵan sharayatlar úyrenildi.
Úyreniw dawamında balalar tárbiyalanıp atırǵan topar xanaları, oyın bólimleri, oqıw-tárbiya procesi alıp barılıp atırǵan kabinetler hám dem alıw ushın ajıratılǵan bólmeler kózden ótkerildi. Topar xanalarınıń jılı, jarıq hám taza saqlanıwı, balalarǵa qolaylı mebel hám oqıw quralları menen támiyinleniwi úyrenildi.
Sonday-aq, tárbiyalanıwshılardıń jasına say oqıw materialları, didaktikalıq oyınlar, kitaplar hám rawajlandırıw qurallarınıń barlıǵına ayrıqsha itibar qaratıldı. Balalardıń intellektualıq, ruwxıy hám fizikalıq rawajlanıwına qaratılǵan sharayatlar jaqsı jolǵa qoyılǵanlıǵı atap ótildi.
Topar xanalarında sanitariya-gigiyenalıq talaplardıń orınlanıwı, bólmelerdiń turaqlı samallatıp turıwı hám balalar salamatlıǵın qorǵawǵa qaratılǵan ilajlar da úyrenildi. Balalarǵa qawipsiz hám qolaylı ortalıq jaratıw máseleleri tiyisli tártipte shólkemlestirilgenligi kórsetildi.
Mektepke shekemgi bilimlendiriw shólkemlerinde balalardıń sapalı bilim alıwı, tárbiya kóriwi hám hár tárepleme kamal tabıwı ushın jaratılǵan sharayatlardı jáne de jetilistiriw boyınsha jumıslar dawam etedi.