Xalq deputatlari Oltinko‘l tumani Kengashi

Yangiliklar

So‘ngi yangiliklar

Халқ депутатлари Олтинкўл тумани Кенгаши котибияти мудири, 17-«Сарой-1» сайлов округидан сайланган депутат У. Холматов бугун масъул ходимлардан иборат ишчи гуруҳ билан биргаликда ҳудуддаги 27-сонли мактабгача таълим ташкилотида бўлиб, муассаса фаолиятини атрофлича ўрганди.

Кунлик иш режаси

📌 XALQ DEPUTATLAR OLTINKOʻL TUMANI KENGASHINING 8-12-IYUN KUNLARI UCHUN MO‘LJALLANGAN HAFTALIK ISH REJASI. 🗓 8-Iiyun Mahallalarda infratuzilma holatini o‘rganish. 🗓 9-Iiyun Aholiga sifatli tibbiy yordam ko‘rsatilishi (tibbiy xizmatlar va dorilar bilan ta’minlash) holatini o‘rganish. 🗓 10-Iiyun Mahallalarda “Mahalla yettiligi” faoliyatini o‘rganish 🗓 11-Iiyun Yoshlar bandligi va kasbga yo‘naltirish ishlari holatini o‘rganish 🗓 12-Iiyun 2026 йил 16 февралдаги ПҚ–62-сон қарорнинг ижроси юзасидан Bozorlarda narx-navo barqarorligi va mahsulot sifati nazorati.

Олтинкўл тумани халқ депутатлари Кенгаши котибияти мудири У. Холматов томонидан ҳудуддаги кутубхоналар фаолияти ва уларда яратилган шарт-шароитлар ўрганилди. Ўрганиш жараёнида кутубхоналарнинг моддий-техник базаси, китоб фондининг ҳолати, китобхонлар қамрови ҳамда аҳоли, айниқса ёшларни китобхонликка жалб этиш бўйича амалга оширилаётган ишлар таҳлил қилинди. Шунингдек, муассасаларда китобхонлар учун яратилган қулайликлар, ўқув залларининг ҳолати, замонавий ахборот технологияларидан фойдаланиш имкониятлари ва китобхонлар сонини оширишга қаратилган ташкилий чора-тадбирлар юзасидан масъуллар билан суҳбатлар ўтказилди. Бундан ташқари, ҳудуддаги хиёбонлар ва жамоат дам олиш масканларининг санитария ҳолати, ободонлаштириш ишлари, кўкаламзорлаштириш даражаси ўрганилди. Мазкур ўрганишлар аҳолига кўрсатилаётган маданий хизматлар сифатини ошириш, китобхонлик маданиятини кенг тарғиб қилиш ҳамда ҳудудларни янада обод ва кўркам ҳолатга келтиришга хизмат қилади.

Халқ депутатлари Олтинкўл тумани Кенгашининг 8-«Айрончи» сайлов округидан сайланган депутати Д. Каримов томонидан сайловчилар билан учрашувлар ўтказилди. Учрашувлар давомида депутат ўз округи ҳудудидаги маҳаллаларда аҳоли билан бевосита мулоқот қилиб, хонадонма-хонадон юриб фуқароларнинг муаммо ва таклифларини ўрганди. Суҳбатлар жараёнида маҳалладаги ижтимоий-иқтисодий масалалар, аҳолини қийнаётган муаммолар ҳамда уларни бартараф этиш бўйича таклифлар муҳокама қилинди. Ўрганишлар натижасида бир нафар ёш фуқаро тадбиркорлик фаолиятини йўлга қўйиш ва ривожлантириш мақсадида имтиёзли кредит олиш истагини билдириб мурожаат қилди. Мазкур мурожаат атрофлича ўрганилиб, амалдаги тартиб ва имкониятлар юзасидан тушунтиришлар берилди ҳамда масалани ижобий ҳал этиш мақсадида тегишли мутасадди ташкилотларга йўналтирилди. Депутат томонидан келиб тушаётган ҳар бир мурожаатни назоратга олиб, уларнинг ижросини таъминлаш бўйича амалий ишлар изчил давом эттирилмоқда.

📝 Халқ депутатлари Олтинкўл тумани Кенгаши котибияти мудири ҳамда 8-“Айрончи” сайлов округидан сайланган депутат Каримов Дилмуроджон Азимович иштирокида маҳаллада ўрганиш ишлари олиб борилди. Ўрганиш давомида маҳалладаги хонадонлар ҳолати, аҳолининг турмуш шароити, томорқа ер майдонларидан самарали фойдаланиш, оилавий тадбиркорлик ва даромад манбаларини кенгайтириш бўйича амалга оширилаётган ишлар билан яқиндан танишилди. Шунингдек, фуқаролар билан мулоқот қилиниб, уларни қийнаётган масалалар, таклиф ва мурожаатлар тингланди. Аниқланган муаммоларни ҳал этиш юзасидан тегишли масъулларга вазифалар белгилаб берилди ҳамда аҳоли фаровонлигини оширишга қаратилган ишлар юзасидан тавсиялар берилди.

Xalq deputatlari Oltinkoʻl tumani Kengashi Viloyat deputati M.Sultonova xamda Kotibyat murudi U.Xolmatov bilan birgalikda Koʻtarmachek MFY hududidagi ko‘chalarda olib borilayotgan ta’mirlash ishlari joyiga chiqib o‘rganildi. O‘rganish jarayonida yo‘l qurilishi sifati, ishlarning borishi va belgilangan muddatlarga rioya etilishi alohida e’tiborga olindi. Aniqlangan kamchiliklar yuzasidan tegishli mas’ullarga zarur ko‘rsatmalar berilib, ishlarni sifatli va o‘z vaqtida yakunlash bo‘yicha tavsiyalar bildirildi. Hudud infratuzilmasini yaxshilash, aholiga qulay sharoit yaratish borasidagi ishlar izchil davom ettirilmoqda.

Соат 08:30–09:00 Ходимларнинг ишга ўз вақтида келиши назорат қилиниб, кунлик вазифалар белгилаб берилади. Ҳар бир ходимга камида 3 тадан топшириқ (2 та депутатлик ва 1 та комиссия йўналишида) тақсимланади. Э-Кенгаш орқали келиб тушган мурожаатлар кўриб чиқилиб, ижрочиларга бириктирилади. Соат 10:00–12:00 28 та “Янги Ўзбекистон” ва 52 та “оғир” маҳаллаларда олиб борилаётган ишлар вилоят Кенгаши депутати ҳамда Кўтармачек ҳудуди вакиллари билан биргаликда ўрганилади. Соат 13:00–15:00 Ўрганиш ишлари Оқтумор ҳудудида давом эттирилиб, аҳоли муаммолари ўрганилади ва тегишли таклифлар шакллантирилади. Соат 15:00–16:30 Депутатлар фаолияти ва тадбирларини ахборот каналларида ёритиш ишлари ташкил этилади. Соат 16:30–17:30 Кун якуни бўйича бажарилган ишлар таҳлил қилиниб, режа ижроси мониторинг қилинади.

Халқ депутатлари Олтинкўл туман Кенгаши котибят мудури Холматов Умиджон Алижонович бугунги иш режасига мувофиқ Жумладан, «Сарой» МФЙдаги оғир ҳудуд маҳалласида амалга оширилаётган ишлар билан яқиндан танишди. Ўрганишлар давомида ҳудудда олиб борилаётган ободонлаштириш, инфратузилмани яхшилаш, аҳолига қулай шароитлар яратишга қаратилган ишлар кўздан кечирилди. Шунингдек, маҳалла фаоллари ва аҳоли билан мулоқот ўтказилиб, уларнинг таклиф ва мурожаатлари тингланди.

Соат 08:30–09:00 Ходимларнинг ишга келиши назорат қилиниб, кунлик вазифалар (ҳар бир ходимга камида 3 та) белгилаб берилади. Келиб тушган мурожаатлар кўриб чиқилиб, масъулларга тақсимланади. Соат 09:00–10:00 Вилоят Кенгаши йиғилишида иштирок этиш. Соат 10:00–13:00 Халк депутатлари Олтинку́л туман Депутат У.Холматовнинг у́зи сайланган "Сарой"-1 округидаги масалаларни ўрганиш ва депутатлар фаолиятини ташкил этиш ишлари. Соат 14:00–15:30 Маҳаллаларда амалга оширилаётган ишлар жойида ўрганилади. Соат 15:30–17:30 Депутат сўровлари ва тадбирларини ОАВ ҳамда ижтимоий тармоқларда ёритиш. Соат 17:30–18:00 Кун якуни бўйича таҳлил ва мониторинг ишлари.

Mahalliy Kengashlar o‘rtasida o‘zaro tajriba almashish amaliyoti

Mahalliy Kengashlar o‘rtasida o‘zaro tajriba almashish amaliyoti yo‘lga qo‘yilmoqda

🇺🇿 O‘zbekiston Respublikasi Oliy Majlisi Senati Kengashining 2026-yil 15-yanvardagi “O‘zbekiston Respublikasi Oliy Majlisi Senatining 2026-yil birinchi yarim yilligiga mo‘ljallangan ish rejasi ijrosi to‘g‘risida”gi KQ-291–V-sonli qaroriga muvofiq, hududiy Kengashlar faoliyatini yanada takomillashtirish, ilg‘or tajribalarni ommalashtirish hamda o‘zaro hamkorlikni kuchaytirish masalalariga alohida e’tibor qaratilmoqda.

💼 Mazkur qarorning 3-ilovasi 21-bandida Qoraqalpog‘iston Respublikasi Jo‘qorg‘i Kengesi, xalq deputatlari viloyatlar, Toshkent shahar, shuningdek tuman (shahar) Kengashlari o‘rtasida o‘zaro tajriba almashishni tizimli yo‘lga qo‘yish belgilangan. Jumladan, hududlararo tajriba almashish reja-grafigini ishlab chiqish, namunali sessiyalar, doimiy komissiya yig‘ilishlari hamda siyosiy partiya guruhlari majlislarini yuqori saviyada tashkil etish, shuningdek tuman va shaharlar kesimida ham bunday amaliyotni keng joriy etish vazifalari ko‘rsatib o‘tilgan.

📆 Ushbu vazifalar ijrosini ta’minlash maqsadida, xalq deputatlari Toshkent shahar Kengashi raisi tomonidan 2026-yil 26-fevral kuni tuman Kengashlari o‘rtasida o‘zaro tajriba almashish amaliyoti rejasi tasdiqlandi. Rejaga asosan, 2026-yil 4-martdan 22-aprelga qadar hududiy Kengashlar kotibiyatlarining ijobiy tajribalari va amaliy faoliyati bilan yaqindan tanishish ishlari olib borilmoqda.

🔼 Shu doirada bugun xalq deputatlari Shayxontohur tumani Kengashi kotibiyati mudiri Nematilla Karimov hamda kotibiyat bosh mutaxassisi Muhlisa Yo‘ldoshxo‘jayeva Uchtepa tumani Kengashiga tashrif buyurdi. Tashrifdan asosiy maqsad — Senat qarorida belgilangan vazifalar ijrosini ta’minlash, o‘zaro tajriba almashish hamda Uchtepa tumani Kengashi faoliyati bilan yaqindan tanishishdan iborat bo‘ldi.

📁 Tashrif davomida mehmonlar tomonidan Uchtepa tumani Kengashining ish yuritish tizimi, deputatlik faoliyati, shuningdek doimiy komissiyalar faoliyati o‘rganildi. Xususan, namunali tarzda tashkil etilgan Mahalliy byudjet, tadbirkorlikni rivojlantirish va iqtisodiy islohotlarni amalga oshirish masalalari bo‘yicha doimiy komissiya yig‘ilishi jarayoni bilan tanishildi. Unda navbatdagi sessiya kun tartibiga kiritilishi rejalashtirilgan masalalarning doimiy komissiya tomonidan qanday tarkibda, tartibda va qaysi mezonlar asosida ko‘rib chiqilishi amaliy jihatdan ko‘rsatib berildi.

↗️ Mazkur tajriba almashish jarayoni hududlar o‘rtasida samarali hamkorlikni yo‘lga qo‘yish, ilg‘or boshqaruv usullarini ommalashtirish hamda mahalliy Kengashlar faoliyati samaradorligini oshirishda muhim ahamiyat kasb etmoqda.

📊 Yakuniy xulosalarga ko‘ra, bunday o‘zaro tashriflar va amaliy o‘rganishlar mahalliy Kengashlar faoliyatini yangi bosqichga olib chiqish, qarorlar ijrosini ta’minlashda tizimli yondashuvni kuchaytirish hamda deputatlik nazoratini yanada mustahkamlashga xizmat qilishi ta’kidlandi.

Slide 1 of 8