25-Baynalminal saylov okrugi deputati X.Kalbayeva tomonidan hududdagi bolalar sport zallari holati o‘rganilib, doimiy nazorat ostiga olingan. Sport zallarning umumiy holati, jihozlari, xavfsizlik, yoritish, isitish hamda sanitariya shart-sharoitlari tahlil qilindi. Ayrim zallarda jihozlarni yangilash, ta’mirlash hamda mashg‘ulotlarni samarali tashkil qilish lozimligi aniqlandi. Mazkur ishlar bolalarning sportga katta qiziqish bilan qatnashishiga va sog‘lom turmush tarzini shakllantirishiga xizmat qiladi.Cocoon AI Summary

Bolalarning sog’lom, jismonan baquvvat va ma’nan barkamol bo’lib voyaga yetishida sportning ahamiyati beqiyosdir. Shu maqsadda hududda bolalar uchun mo’ljallangan sport zallar holati 25-Baynalminal saylov okrugi deputati X.Kalbayeva tomonidan Gazli mahallasidagi umumta’lim maktabning bolalar sport zali atroflicha o’rganilib, doimiy nazoratga olindi.

O’rganish ishlari davomida sport zallarning umumiy holati, moddiy-texnik bazasi, mavjud sport anjomlari va ularning sifati, shuningdek, xavfsizlik talablariga qay darajada javob berishi batafsil tahlil qilindi. Ayrim sport zallarda jihozlarni yangilash, eskirgan anjomlarni almashtirish, ta’mirlash ishlarini amalga oshirish zarurligi aniqlandi. Shu bilan birga, zallardagi yoritish, isitish va shamollatish tizimlari holati ham alohida e’tibor markazida bo’ldi.

Shuningdek, bolalar uchun yaratilgan shart-sharoitlar, ularning mashg’ulotlarni xavfsiz va qulay tarzda o’tkazishi uchun zarur infratuzilmaning mavjudligi ham o’rganildi. Sanitariya-gigiyena talablariga rioya qilinishi, tozalik darajasi va tartib-intizom holati ham diqqat bilan ko’rib chiqildi.

Nazorat jarayonida sport zallarda faoliyat yuritayotgan murabbiylar malakasi, mashg’ulotlar sifati, bolalarni sportga jalb etish va ularning qiziqishini oshirishga qaratilgan ishlar samaradorligi ham tahlil qilindi. Ayrim joylarda mashg’ulotlarni yanada samarali tashkil etish, zamonaviy usullardan foydalanish va bolalar qamrovini kengaytirish bo’yicha tavsiyalar berildi.

Mazkur nazorat tadbirlari bolalarni ommaviy sportga keng jalb etish, ularning bo’sh vaqtlarini mazmunli tashkil etish, sog’lom turmush tarzini shakllantirish hamda kelajak avlodning jismonan va ma’nan barkamol bo’lib ulg’ayishiga xizmat qiladi.