Ta’lim va ma’naviyat maskanida o‘rganish ishlari olib borildi

Xalq deputatlari Oqdaryo tumani Kengashining 14-Zarafshon saylov okrugi deputati A. Nozimov tomonidan Zarafshon mahallasi hududida joylashgan 43-umumta’lim maktabida o‘rganish ishlari olib borildi.

🏫 O‘rganish jarayonida maktab kutubxonasi faoliyati, unda yaratilgan sharoitlar, mavjud kitoblar soni hamda ularning turlari atroflicha ko‘zdan kechirildi. Ayniqsa, o‘quvchilarning kitobxonlik darajasi, kutubxonadan foydalanish faolligi alohida e’tiborga olindi.

📊 Shuningdek, chorak yakunlari bo‘yicha o‘quvchilarning davomati hamda o‘zlashtirish ko‘rsatkichlari, olgan baholari tahlil qilinib, ta’lim sifatini yanada oshirish yuzasidan fikr-mulohazalar bildirildi.

📖 Kutubxona fondini boyitish, zamonaviy va qiziqarli adabiyotlar bilan to‘ldirish, yoshlar orasida kitobxonlik madaniyatini rivojlantirish masalalari muhokama qilindi.

👨‍👩‍👧‍👦 Shu bilan birga, o‘quvchilarning bo‘sh vaqtini mazmunli tashkil etish, ularni kitobga bo‘lgan qiziqishini oshirish maqsadida turli ma’naviy-ma’rifiy tadbirlar, tanlovlar va uchrashuvlarni ko‘paytirish bo‘yicha takliflar ilgari surildi.

🤝 Yakunda mas’ullarga mavjud kamchiliklarni bartaraf etish, kutubxona faoliyatini yanada takomillashtirish hamda ta’lim sifatini oshirishga qaratilgan aniq vazifalar belgilab berildi.    

👉https://t.me/Oqdaryo_tuman_Kengashi