🔹Xalq deputatlari Bekobod tumani Kengashi deputati B.Jo‘rayevga Oqtepa mahallasining Yosh kuch va Nurli yo‘l ko‘chalarida istiqomat qiluvchi fuqarolar tomonidan elektr sim yog‘ochlari nosozligi yuzasidan bir qator murojaatlar kelib tushdi.

🔹Murojaatlar asosida deputat tomonidan mazkur hududga chiqib, mavjud muammolar atroflicha o‘rganildi.

🔹Aniqlangan muammolarni bartaraf etish, elektr ta’minotini barqarorlashtirish hamda aholiga sifatli xizmat ko‘rsatishni ta’minlash maqsadida Zafar TETK rahbariga deputat so‘rovi yuborildi. Mazkur so‘rov orqali mutasaddi tashkilotlardan muammoni qisqa muddatlarda hal etish, zarur texnik choralarni ko‘rish va amalga oshirilayotgan ishlar yuzasidan tegishli ma’lumot taqdim etish so‘raldi.

🔹Deputat tomonidan mazkur masala nazoratga olinib, uning ijrosi yuzasidan tizimli monitoring olib borilishi belgilandi.