Deputat mahallada olib borilayotgan qurilish ishlarini ko‘zdan kechirdi 

Zarxal mahallasida deputat A.Yursunovning mahalla yettiligi bilan navbatdagi uchrashuvi bo‘lib o‘tdi. Uchrashuv davomida 2025-yil IV chorak yakunlari bo‘yicha jamoatchilik fikri asosida shakllantirilgan hamda tadbirlarni moliyalashtirishga yo‘naltirilgan mablag‘lar yuzasidan ma’lumot
berildi. Shuningdek, Xalq deputatlari Oltiariq tuman Kengashining 2026-yil 6-fevraldagi VII-15-8-11-151-K/26-sonli qarori ijrosini ta’minlash maqsadida Zarxal mahalla fuqarolar yig‘ini binosini qayta qurish ishlari joyiga chiqib ko‘zdan kechirildi. Deputat tomonidan qurilish ishlarini sifatli
va belgilangan muddatlarda yakunlash bo‘yicha mas’ullarga tegishli tavsiyalar berildi. Hududlarni obod qilish va aholi uchun munosib sharoit yaratish borasidagi ishlar izchil davom etmoqda.