Bugungi kunda sport maktabida tumanimiz aholisi va ayniqsa yoshlar uchun yanada qulay sharoyit yaratish maqsadida keng ko‘lamli ishlar amalga oshirilmoqda. Binoning ichki qismlari ta’mirlanib, qizlarning gimnastika bilan shg‘illanishlari uchun sharoyitlar yaratilmoqda. Bu esa yosh sportchilarimizning samarali mashg‘ulot olib borishi, o‘z ustida ishlashi va yuksak natijalarga erishishi uchun mustahkam zamin yaratadi.

Ishtixon sport maktabining tumanimiz hayotidagi o‘rni beqiyos. Ushbu maskan yillar davomida ko‘plab iqtidorli sportchilarni tarbiyalab, ularni respublika, Osiyo va jahon miqyosidagi musobaqalarga tayyorlab kelmoqda. Sportchilarimizning xalqaro arenalarda qo‘lga kiritayotgan yutuqlari esa barchamiz uchun katta faxr va g‘urur manbaidir.

Deputatlar tomonidan o‘tkazilgan o‘rganish jarayonida bajarilayotgan ishlarning sifati, muddatlarga rioya etilishi hamda yaratilayotgan sharoitlarning zamonaviy talablarga mosligi alohida e’tiborga olindi. Ta’kidlanganidek, sport infratuzilmasini rivojlantirish — bu yoshlar salomatligi, bo‘sh vaqtini mazmunli tashkil etish va kelajak chempionlarini tarbiyalash yo‘lidagi muhim qadamlardan biridir.

Yaratilayotgan sharoitlar natijasida sport maktabi tumanimiz aholisi va yoshlar uchun yanada jozibador maskanga aylanishi, sog‘lom turmush tarzini keng targ‘ib etishi hamda yangi sport yulduzlarini tarbiyalashga mustahkam zamin yaratadi.