Gurlan tuman Huquqiy maslahat byurosi (“Madad” NNT) bosh mutaxassisi Artikov Umidbek Sharipovich hamda xalq deputatlari Xorazm viloyat Kengashi deputati Niyazmetova Dilbar Ibragimovna, Gurlan tuman Kengashi kotibiyati mudiri Artikov Xursand Zaxirovich va tuman Kengashi deputati Xudayarov Shokir Radjapovichlar tumandagi Shodlik mahallasida fuqarolar uchrashuvi o‘tkazdi.  

Uchrashuv davomida tuman Huquqiy maslahat byurosi mutaxassisi U.Artikov tomonidan fuqarolarga huquqiy maslahatlar hamda amaldagi qonunchilik normalari haqida tushuncha va ma’lumotlar berdi.  

Fuqarolar o‘zlarini qiziqtirgan savollarga huquqiy asoslangan va batafsil javob olganlaridan mamnun ekanliklarini bildirdilar. 

 Uchrashuvda xalq deputatlari Xorazm viloyat Kengashi deputati D.Niyazmetova bu kabi hamkorlik uchrashuvlari viloyat va tuman Kengashi faoliyatining ochiqligi va samaradorligini ta’minlashga xizmat qilishi va kelgusida fuqarolar manfaatini ustuvor yo‘nalish sifatida belgilagan holda o‘zaro hamkorlikni yanada kengaytirish va muntazam ravishda deputatlar bilan birgalikda mahallarda huquqiy maslahatga ehtiyoji bo‘lgan aholining muammolari o‘rganilib, ularga qonunchilik asosida huquqiy maslahat va amaliy yordam ko‘rsatish zarurligi haqida gapirdi va uchrashuvni yakunladi.