Bugun Surxondaryo viloyati hokimi Ulug‘bek Qosimov, Respublika tez tibbiy yordam markazi direktorining o‘rinbosari Nozimjon Daliboyev, sog‘liqni saqlash sohasi mutasaddilari hamda mas’ul xodimlar ishtirokida videokonferensaloqa shaklida tadbir o‘tkazildi. Mazkur tadbir davomida viloyatning sakkizta tumanida
zamonaviy talablar asosida yangidan barpo etilgan tez tibbiy yordam bo‘limlari binolari rasman foydalanishga topshirildi. 

Tadbirda Oltinsoy tuman hokimi, Xalq deputatlari tuman Kengashi raisi Baxrom Maxmatrayemov ham ishtirok etib, soha vakillarini yangi barpo etilgan zamonaviy tibbiy inshootlarning foydalanishga topshirilishi
munosabati bilan tabrikladi. 

O‘z nutqida tez tibbiy yordam xizmatining aholi salomatligini muhofaza qilishdagi o‘rni beqiyos ekanini ta’kidlab, barpo etilgan yangi binolar hamda yaratilgan zamonaviy shart-sharoitlar tibbiyot xodimlarining samarali faoliyat yuritishiga, shuningdek, fuqarolarga ko‘rsatilayotgan tibbiy xizmatlar sifati va samaradorligini yanada oshirishga
xizmat qilishini qayd etdi. 

Oltinsoy tumani Kengash Kotibiyati Axborot xizmati