Deputatning fuqarolar bilan navbatdagi uchrashuvi bo‘lib o‘tdi

Xalq deputatlari Sherobod tumani Kengashining 1-Yangiturmush saylov okrugi deputati S. Eshonqulov tomonidan Sherobod tumanidagi “Uzunsoy” mahallasida istiqomat qiluvchi fuqarolar bilan navbatdagi uchrashuv o‘tkazildi.

Uchrashuv davomida deputat mamlakatimizda bosqichma-bosqich amalga oshirilayotgan islohotlarning joylardagi ahamiyati, xususan, hududlar infratuzilmasini rivojlantirish, aholi uchun ko‘rsatilayotgan ijtimoiy xizmatlar sifatini oshirish borasida amalga oshirilayotgan ishlar haqida batafsil ma’lumot berdi.

Shuningdek, so‘nggi yillarda qabul qilingan Prezidentimizning qaror va farmonlarining Sherobod tumanida ijrosi, ularning amalga oshirilishi ustidan parlament nazoratini olib borish masalalari yuzasidan tushuntirishlar berildi.

Uchrashuv jarayonida fuqarolar tomonidan bildirilgan muammo va takliflar deputat tomonidan alohida qayd etilib, ularni hal etish bo‘yicha tegishli davlat va tashkilotlarga belgilangan tartibda murojaatlar yuborilishi ma’lum qilindi. Bildirilgan masalalarning ijrosi deputat nazoratiga olinishi ta’kidlandi.