Бугун биз юртимиз тарихида муҳим ва қутлуғ сана — Ўзбекистон Республикаси Давлат байроғи қабул қилинган кунни кенг нишонламоқдамиз. 1991 йил 18 ноябрда қабул қилинган давлат байроғимиз халқимизнинг тарихий илдизлари, мустақиллик ғояси ва миллий ўзлигимизнинг ёрқин тимсолидир.

Бугун кўк, оқ ва яшил ранглардан иборат байроғимиз дунёнинг энг нуфузли минбарларида фахр билан ҳилпираб, Ўзбекистон номини, халқимизнинг тинчликсеварлиги, эзгу орзу-интилишлари ва юксак мақсадларини ифодалаяпти.

Давлат байроғи – бу фақат рамз эмас, балки Ватанни севиш, унинг тараққиёти учун масъулият ва фидойилик билан хизмат қилишга даъватдир. Ҳар бир фуқаро учун байроғимизни асраб-авайлаш, унга ҳурмат билан муносабатда бўлиш – Ватан олдидаги муқаддас бурчдир.

Шу қутлуғ кунда барча юртдошларимизни байрам билан табриклайман, юртимиз осмонида доимо тинчлик ҳукм сурсин, байроғимиз мустақиллик ва тараққиёт рамзи сифатида абадий ҳилпираб турсин!