Deputat mahalla ziyo maskanlarida: kitobxonlik va ta’lim — doimiy e’tiborda

Xalq deputatlari Marg‘ilon shahar Kengashi deputati Husanjon Abdurahmonov Yoyilma MFY hududidagi axborot-kutubxona bo‘limida bo‘lib, aholi, ayniqsa yoshlarning kitob o‘qishi uchun yanada qulay sharoit yaratish muhimligini ta’kidladi.

Ushbu maskanni zamonaviy talablarga mos ravishda Davlat-xususiy sherikchilik asosida yangitdan barpo etish bo‘yicha takliflar ilgari surildi. Bu tashabbus kelajakda hududning ma’naviy-ma’rifiy hayotiga katta hissa qo‘shishi shubhasiz.

Shuningdek, deputat H.Abdurahmonov 17-umumtaʼlim maktabida kuz-qish mavsumiga tayyorgarlik jarayonlarini ham o‘rgandi. Maktab binosidagi isitish tizimi, xavfsizlik choralarining ko‘rilishi va o‘quvchilarga yaratilayotgan sharoitlar tanqidiy va amaliy ruhda ko‘zdan kechirildi.

Mahallalarda ta’lim va ma’naviyatga qaratilayotgan bunday e’tibor — yoshlar kelajagi uchun mustahkam poydevordir.