Tashrif davomida deputat mahalliy poliklinika va oilaviy shifokor punktlarida aholi murojaatlari, dori-darmon ta’minoti, tibbiy uskunalar holati hamda shifokor va hamshiralar faoliyatini o‘rganib chiqdi. Shuningdek, aholining tibbiy xizmatlardan qoniqish darajasi, tez tibbiy yordam chaqiruvlariga o‘z vaqtida javob berilayotganlik holati ham tahlil qilindi.

O‘rganish jarayonida deputat tomonidan ayrim tibbiyot maskanlarida mavjud muammolar, jumladan, uskunalarning yangilanishi, dori vositalari zaxirasining yetarli emasligi kabi masalalar aniqlanib, ular yuzasidan tegishli tashkilotlarga taklif va tavsiyalar berildi.

Farhod Abdurahmonov aholining sog‘lig‘ini muhofaza qilish, sifatli tibbiy xizmatni ta’minlash borasida deputatlik nazoratini davom ettirishini bildirdi. Shu bilan birga, tibbiyot xodimlari faoliyatini rag‘batlantirish, ularning ish sharoitlarini yaxshilash masalalarini tuman Kengashi sessiyasida ko‘tarish rejalashtirilmoqda.

Aholi o‘rtasida sog‘lom turmush tarzini targ‘ib qilish, profilaktik ko‘riklarni muntazam o‘tkazish ham deputat e’tiboridagi ustuvor yo‘nalishlardan biri sifatida belgilandi.