Xalq deputatlari Namangan shahar Kengashi deputati N. Dexkanov Kengash kotibiyatida bo‘lib, o‘zining deputatlik faoliyatiga oid hujjatlar, hisobotlar va yig‘ma jildlarni o‘rganish hamda ularni tartibga keltirish ishlarini olib bordi.

Jarayon davomida deputatning 2026-yil uchinchi choragi mobaynida saylov okrugida amalga oshirgan ishlari, mahallalarda o‘tkazilgan uchrashuvlar, saylovchilar bilan muloqotlar, fuqarolardan kelib tushgan murojaatlar bilan ishlash holati hamda aholi oldida berilgan axborotlarga oid hujjatlar ko‘rib chiqildi.

Shuningdek, deputatlik faoliyatining asosiy yo‘nalishlari bo‘yicha amalga oshirilgan ishlarning hujjatlarda to‘liq va izchil aks ettirilishiga alohida e’tibor qaratildi. Mavjud ma’lumotlar va hisobotlar ko‘zdan kechirilib, hujjatlarni tizimlashtirish, belgilangan tartibda rasmiylashtirish hamda yig‘ma jildlarni shakllantirish ishlari amalga oshirildi.

📌 Hujjatlarni tartibga keltirish deputatlik faoliyati davomida bajarilgan ishlarni tizimli qayd etish, zarur ma’lumotlarni saqlash va saylovchilar oldidagi hisobdorlikni ta’minlashda muhim ahamiyatga ega.

Shu bilan birga, kelgusidagi vazifalar yuzasidan fikr almashilib, saylov okrugidagi mahallalarda aholi bilan ochiq muloqotni davom ettirish, fuqarolar murojaatlarini o‘rganish, mavjud muammolarni tegishli tashkilotlar bilan hamkorlikda hal etishga ko‘maklashish hamda deputatlik nazorati samaradorligini oshirish masalalariga e’tibor qaratildi.

Slide 1 of 7