#deputat_faoliyati
#24_ta_tavsiyalar_ijrosi
#haftalik_ish_reja_ijrosi
#kotibiyat_xodimi_faoliyati
#KQ_35

HUDUDDAGI MUAMMOLAR JOYIGA CHIQIB O‘RGANILDI

Xalq deputatlari Termiz tuman Kengashi 8-Tajribakor saylov okrugi deputati, Kengash kotibiyat mudiri A. Avliyakulov hamda deputat M. Eshtemirov tomonidan MFY yettiligi vakillari bilan hamkorlikda hududdagi mavjud muammoli masalalar ko‘chama-ko‘cha yurib, joyiga chiqqan holda o‘rganildi.

O‘rganish davomida M. Eshtemirov tomonidan MFYning O‘zbekiston ko‘chasida suv quvurining yorilishi sababli yaqinda yotqizilgan yangi asfalt qoplamasi buzilib, qazish ishlari olib borilgani yuzasidan fuqarolarning murojaati tinglandi. Shuningdek, hududning ayrim boshqa joylarida ham shu kabi holatlar mavjudligi ma’lum qilindi.

Fuqarolar tomonidan bildirilgan murojaatlar Murojaatlar daftariga qayd etib olindi. Aniqlangan muammolarni tegishli mas’ullar bilan hamkorlikda o‘rganish, ularning sabablarini aniqlash va bartaraf etish choralarini ko‘rish belgilandi.

Hududdagi muammolarni bevosita joyiga chiqib o‘rganish, fuqarolar murojaatlarini tinglash va ularning yechimini ta’minlashga qaratilgan deputatlik nazorati ishlari davom ettiriladi.