#deputatlik_nazorati_Uchtepa #ekspert_guruhlari

123-SONLI MAKTABDA AMALGA OSHIRILISHI REJALASHTIRILGAN TA’MIRLASH ISHLARI DASTLABKI TARZDA O‘RGANILDI

📁 Xalq deputatlari Uchtepa tumani Kengashining 2026-yil 15-sentabrdagi III-34-88-14-202-K/26-son qarori asosida tashabbusli byudjet jarayonining 2026-yil II mavsumida “Ochiq byudjet” axborot portali orqali ovoz berish yakunlariga ko‘ra g‘olib deb topilgan loyihalarni amalga oshirish bo‘yicha ishlar nazoratga olinmoqda.

🕯 Mazkur loyiha doirasida Uchtepa tumanidagi 123-sonli umumiy o‘rta ta’lim maktabi binosining pol qismi, sinfxonalari, eshik va romlarini yangilash, elektr tizimini, barcha hojatxonalarni, maktab sport zali hamda kiyinish-yuvinish xonalarini ta’mirlash, shuningdek, maktabning ichki va tashqi ta’mirtalab qismlarini mukammal ta’mirlash rejalashtirilgan.

↗️ Loyiha uchun 1 milliard 648 million so‘m mablag‘ yo‘naltirilishi belgilangan. Mazkur ishlarning amaldagi holatini baholash, rejalashtirilgan ta’mirlash ishlarining ko‘lami va ehtiyojini aniqlash maqsadida obyekt deputatlar tomonidan dastlabki tarzda o‘rganildi.

💼 O‘rganish jarayonida Xalq deputatlari Uchtepa tumani Kengashi kotibiyati mudiri Anvar Usmanov, kotibiyat bosh mutaxassisi Umidbek Abilov, Kengash huzuridagi ekspert guruhi a’zolari hamda tegishli mas’ul xodimlar ishtirok etdi.

🤔 Dastlabki o‘rganish davomida maktabning ta’mirtalab qismlari, mavjud sharoitlar hamda loyiha doirasida bajarilishi ko‘zda tutilgan ishlarning amaldagi ehtiyojlarga muvofiqligi ko‘zdan kechirildi.

📝 Aniqlangan holatlar asosida tegishli mas’ullarga loyiha mablag‘laridan maqsadli va samarali foydalanish, ta’mirlash ishlarini belgilangan talablar asosida sifatli tashkil etish hamda ishlarning ijrosini nazorat qilish yuzasidan tegishli tavsiyalar berildi.

📈 Mazkur loyiha doirasidagi ishlarning keyingi bosqichdagi ijrosi ham Xalq deputatlari Uchtepa tumani Kengashi tomonidan deputatlik nazorati tartibida o‘rganib boriladi.