Xalq deputatlari Taxiatosh tumani Kengashiga O‘zbekiston Liberal-demokratik partiyasidan saylangan deputat Turdiyev Anvar Xaytbayevich o‘zi saylangan “Shamchiroq” MFY 11-Aqsungul saylov okrugi hududida joylashgan 9-sonli maktabga amaliy yordam ko‘rsatdi.

🤝 Deputat maktabning ma’naviyat va ma’rifat xonasi uchun kompyuter sovg‘a qildi. Mazkur kompyuter maktab ma’muriyati hamda pedagog xodimlarning ish faoliyatida, ma’naviy-ma’rifiy tadbirlarni rejalashtirish va tegishli hujjatlarni tayyorlash jarayonida foydalanish uchun xizmat qiladi.

🏫 Maktab ma’muriyati ta’lim muassasasining moddiy-texnik imkoniyatlarini yaxshilashga qaratilgan ushbu amaliy ko‘mak uchun deputatga o‘z minnatdorchiligini bildirdi.

🌿 Ta’lim muassasalarining ish faoliyatini qo‘llab-quvvatlash, pedagoglar va maktab ma’muriyati uchun zarur sharoitlar yaratishga ko‘maklashish — ta’lim sifatini oshirishga xizmat qiluvchi muhim tashabbusdir.