Zahiriddin Muhammad Bobur nomidagi bog‘ faoliyati o‘rganildi

Xalq deputatlari Namangan shahar Kengashi tomonidan shahardagi madaniy hordiq maskanlari va jamoat hududlarining obodonlashtirilishi, mavjud infratuzilmasi hamda fuqarolar uchun yaratilgan shart-sharoitlarni o‘rganish ishlari olib borilmoqda.

Navbatdagi o‘rganish davomida Zahiriddin Muhammad Bobur nomidagi bog‘ faoliyati bilan yaqindan tanishildi.

Mazkur o‘rganishda Xalq deputatlari Namangan shahar Kengashi kotibiyati mudiri N. Ubaydullayev hamda kotibiyat bosh mutaxassislari A. Nurmatov va M. Abdulmajidov ishtirok etdi.

O‘rganish jarayonida bog‘ hududining umumiy holati, obodonlashtirish va ko‘kalamzorlashtirish ishlari, fuqarolar uchun yaratilgan dam olish sharoitlari, mavjud infratuzilma obyektlari hamda ayni paytda amalga oshirilayotgan bunyodkorlik ishlarining borishi ko‘zdan kechirildi.

Shuningdek, bog‘ hududida zamonaviy xizmat ko‘rsatish va tadbirkorlik obyektlarini joylashtirish, hududni obodonlashtirish va ko‘kalamzorlashtirish, fuqarolar uchun yanada qulay dam olish muhitini yaratish bo‘yicha amalga oshirilayotgan ishlar bilan tanishildi.

O‘rganish davomida hududdagi qurilish va obodonlashtirish ishlarini belgilangan talablar asosida tashkil etish, bajarilayotgan ishlarning sifatiga e’tibor qaratish, fuqarolar xavfsizligini ta’minlash hamda bog‘ning estetik qiyofasini yanada yaxshilash masalalariga alohida e’tibor qaratildi.

Shuningdek, madaniy obyektlar va jamoat hududlarini rivojlantirish hamda ulardan samarali foydalanish bilan bog‘liq “Madaniy faoliyat va madaniyat tashkilotlari to‘g‘risida”gi O‘zbekiston Respublikasi Qonuni talablari ham e’tiborga olindi.

O‘rganish yakunlari bo‘yicha aniqlangan masalalarni bartaraf etish, obodonlashtirish ishlarini yanada jadallashtirish, mavjud infratuzilmani takomillashtirish va fuqarolar uchun qulay sharoitlarni kengaytirish yuzasidan mas’ullarga tegishli tavsiya va ko‘rsatmalar berildi.