Jumladan, Sahiy Buxoriy ko‘chasiga 300 metr, O‘rarik ko‘chasiga esa 200 metr SIP kabel mahallaning soliq tushumlaridan shakllangan 10 foizlik mablag‘ hisobidan xarid qilingan. Biroq mazkur kabellar shahar elektr ta’minoti korxonasi tomonidan hali tarmoqqa ulanmagan.

Mazkur masala yuzasidan elektr ta’minoti korxonasi xabardor qilingan bo‘lib, kabellarni tarmoqqa ulab berish bo‘yicha mahalla fuqarolar yig‘ini raisi tomonidan tegishli murojaat ham yo‘llangan.

O‘rganish davomida aholi tomonidan bildirilgan murojaat va takliflar deputatning “Hududlardagi muammolarni qayd etish daftari”ga ro‘yxatga olindi. Aniqlangan masalalar yuzasidan deputat so‘rovi yuborilishi, shuningdek, alohida masalalarni tegishli doimiy komissiya yig‘ilishida ko‘rib chiqish belgilandi.