Yoyilma mahallasida aholi bandligini ta’minlash, oilaviy tadbirkorlikni rivojlantirish hamda yangi ish o‘rinlarini yaratish borasida amalga oshirilayotgan ishlar deputatlik nazorati doirasida o‘rganildi.

Xalq deputatlari Marg‘ilon shahar Kengashi deputati X.Abdurahmonov tomonidan 13-Yoyilma saylov okrugi hududida olib borilgan o‘rganishlar davomida “Gold Start” oilaviy korxonasi faoliyati ham ko‘zdan kechirildi.

Mazkur manzilda Rustamov Iqboljon tomonidan suv ishlab chiqarish yo‘nalishida faoliyat yuritayotgan korxonada ishlab chiqarish jarayoni va yaratilgan shart-sharoitlar bilan tanishildi. Korxonada 10 ta yangi ish o‘rni yaratilgani qayd etildi.

O‘rganish davomida korxonaning faoliyat yuritishi, mavjud imkoniyatlardan samarali foydalanishi hamda aholi bandligini ta’minlashdagi o‘rni yuzasidan ma’lumotlar tahlil qilindi.

Tadbirkorlik subyektlari faoliyatini qo‘llab-quvvatlash, mavjud muammolarni aniqlash va ularni bartaraf etishga ko‘maklashish masalalari deputatlik nazorati doirasida nazarda tutildi.