Xalq deputatlari Qo‘qon shahar Kengashiga 24-“Rayhon” saylov okrugidan saylangan deputat Sh.Xasanova tomonidan “Rayhon” mahalla fuqarolar yig‘inida navbatdagi saylovchilar bilan uchrashuv va o‘rganish ishlari olib borildi.

Mazkur uchrashuv va o‘rganish jarayonlarida Xalq deputatlari Qo‘qon shahar Kengashi raisi O‘.Tojiyeva, Kengash kotibiyati mudiri A.Nosirov, kotibiyat bosh mutaxassislari A.Adhamov hamda X.Abdullayevlar tomonidan amaliy ko‘mak ko‘rsatildi.

️O‘rganish davomida davlatimiz rahbari raisligida 3-sentabr kuni kambag‘allikni qisqartirish va aholi daromadlarini oshirish bo‘yicha ishlarni yangi bosqichga olib chiqish masalalariga bag‘ishlab o‘tkazilgan videoselektor yig‘ilishida belgilangan vazifalar ijrosi yuzasidan mahalladagi ishlar tahlil qilindi.

Ma’lum qilinishicha, “Rayhon” MFYda 166 ta kam ta’minlangan oila “Kambag‘allik reyestri”ga kiritilgan. Mahalla hududida yuridik va jismoniy shaxslar tomonidan 30 ta mikroloyiha ishga tushirilishi natijasida 310 nafar oila a’zosining bandligi ta’minlangan. Amalga oshirilgan ishlar natijasida bugungi kunga qadar 30 ta oilani “Kambag‘allik reyestri”dan chiqarishga erishilgan.

Shuningdek, mahallada fuqarolar bilan ishlash tizimi, “mahalla yettiligi”ning hamkorlikdagi faoliyati, ehtiyojmand oilalarni qo‘llab-quvvatlash, aholi bandligini ta’minlash hamda hudud infratuzilmasini yaxshilash borasida amalga oshirilayotgan ishlar yuzasidan mas’ullar bilan fikr almashildi.

Xalq deputatlari Qo‘qon shahar Kengashi