Xalq deputatlari Shirin shahar Kengashi deputati M.Salimova tomonidan shaharda kompyuterlarga xizmat ko‘rsatish faoliyati bilan shug‘ullanib kelayotgan nogironligi bo‘lgan kichik tadbirkorning faoliyati va mavjud muammolari o‘rganildi.

➡️O‘rganish davomida tadbirkorlik faoliyati olib borilayotgan obyektning tashqi va ichki qismida ta’mirlash va obodonlashtirish ishlariga ehtiyoj mavjudligi, shuningdek, foydalanilayotgan ayrim jihozlarning ma’nan eskirgani va ularni yangilash zarurligi aniqlandi.

➡️Muloqot jarayonida tadbirkorning faoliyatini rivojlantirish, ish sharoitlarini yaxshilash hamda mavjud muammolarni bartaraf etish bo‘yicha fikr va takliflari tinglandi.

➡️Deputat tomonidan tegishli tashkilotlar rahbarlari bilan hamkorlikda tadbirkorni amaldagi qonunchilik doirasida qo‘llab-quvvatlash, mavjud imkoniyatlardan foydalanishiga ko‘maklashish va aniqlangan muammolarga amaliy yechim topish masalalari muhokama qilindi.

✅Aniqlangan muammolarni bartaraf etish va tadbirkorga ko‘mak ko‘rsatish masalasi deputatlik nazoratiga olindi.