PAXTAKOR MAHALLASI — OBOD VA FAROVON HUDUDGA AYLANADI

✅Bandixon tumanida deputatlik nazorati: "Paxtakor" mahallasida 3,5 km kollektor hamda 2,5 km ariq va zovur tarmoqlari tartibga keltirilmoqda

✅Bandixon tumanida “Obod xonadon — obod ko‘cha — obod mahalla” tamoyilini amaliyotga tatbiq etish, aholi punktlarining sanitariya va meliorativ holatini yaxshilash hamda irrigatsiya tarmoqlarini modernizatsiya qilish borasida keng ko‘lamli chora-tadbirlar amalga oshirilmoqda.

✅Xususan, "Paxtakor" mahalla fuqarolar yig‘ini hududida suv resurslaridan unumli foydalanish hamda sizot suvlarini qochirish maqsadida 3,5 km uzunlikdagi kollektor tarmog‘i hamda 2 km beton ariqlar tozalanib, tartibga keltirilmoqda. Shuningdek, 500 metr ichki ariq qismlarini to‘liq betonlashtirish ishlari olib borilmoqda.

✅Olib borilayotgan bunyodkorlik va obodonlashtirish jarayonlarini Xalq deputatlari Bandixon tumani Kengashiga 9-Paxtakor saylov okrugidan saylangan deputat, tuman hokimi A.Allamuradov joyiga chiqqan holda o‘rgandi.

✅Tashrif davomida mas’ul pudratchi va irrigatsiya xizmati xodimlariga ishlarning sifati hamda belgilangan muddatlarda foydalanishga topshirilishini ta’minlash, mahallaning infratuzilmaviy qiyofasini va aholi yashash sharoitlarini yanada yaxshilash yuzasidan tegishli vazifalar topshirildi.